..’ म्हणून आपण तुझ्या माहेरी नको तर हॉटेलमध्ये भेटू ‘ , नाशिकमध्ये धक्कादायक प्रकार उघडकीस

शेअर करा

पती आणि पत्नी म्हटलं की संसारात किरकोळ भांडणे ही आलीच मात्र नाशिक इथे यातून पतीने पत्नीचा खून केल्याची घटना उघडकीस आली आहे . नाशिकरोड इथे असलेल्या एका हॉटेलमध्ये पतीने पत्नीला भेटायला बोलावून तिचा गळा दाबून खून केला. नाशिकरोड पोलिसांत खुनाचा गुन्हा दाखल करण्यात आला असून पत्नीचा खून केल्यानंतर हॉटेल मधून बाहेर पडणाऱ्या पतीला नाशिकरोड पोलिसांनी बिटको पॉईंट परिसरातून तात्काळ ताब्यात घेतले आहे.

पोलिसांनी दिलेली माहिती अशी की, अहमदनगर जिल्ह्यातील कोपरगाव येथे सासरी राहणाऱ्या ज्योती पोपट वीर व पती पोपट वीर यांच्यात वाद सुरू होता. ज्योती या जेलरोड भागातील त्यांच्या माहेरी काही दिवसांपूर्वी आलेल्या होत्या. पती पोपट याने पत्नी ज्योतीला मंगळवारी (दि.२८) सायंकाळी नाशिकरोडच्या बिटको पॉईंट येथील पवन हॉटेलमध्ये भेटण्यासाठी बोलावले . या ठिकाणी त्या आल्यानंतर दोघांमध्ये पुन्हा खटके उडाल्याने रुममध्येच पत्नीचा गळा दाबून खून केल्यानंतर महिलेचा पती संशयित पोपट हा फरार होण्याच्या तयारीत असल्याची गुप्त माहिती पोलिसांना मिळाली होती.

पोलिसांनी तातडीने घटनास्थळी धाव घेत संशयित पोपटला ताब्यात घेतले. नाशिकरोड पोलिस ठाण्याचे वरिष्ठ पोलीस निरीक्षक अनिल शिंदे, पोलिस निरीक्षक गणेश न्याहळदे, गुन्हे शोध पथकाचे कर्मचारी अधिका-यांनी घटनास्थळी धाव घेतली. पंचनामा केल्यानंतर नाशिकरोड पोलीस ठाण्यात रात्री उशिरापर्यंत गुन्हा दाखल करण्याचे काम सुरु होते


शेअर करा