पुणे इथे बालेवाडी परिसरात एका चार वर्षीय स्वर्णव नावाच्या बालकाचे अज्ञात व्यक्तींनी ११ जानेवारी अपहरण केलेले असून अद्याप देखील त्याचा शोध लावण्यास तपास यंत्रणेला यश आलेले नाही. स्वर्णव चव्हाण असे या मुलाचे नाव असून पुणे शहरातील वेगवेगळ्या व्हाट्सअप ग्रुपमध्ये या मुलाचे फोटो व्हायरल केले जात असून सदर मुलाबद्दल काही माहिती असल्यास संपर्काचे आवाहन ( मोबाईल 9822223683 , 7448049927 , 7875200017 ) देखील केलेले आहे.
अपहरण झाल्यापासून दररोज स्वर्णव याचे वडील फेसबुकवर अपडेट पोस्ट करत असून अपहरणकर्ते तसेच नागरिकांना स्वर्णव कुठे असेल तर त्याची माहिती देण्यासाठी आवाहन करत आहेत. आज पुन्हा एकदा १८ तारखेला वडिलांनी अशीच एक पोस्ट केलेली असून आतापर्यंत देखील स्वर्णव याचा तपास लागलेला नसल्याचे म्हटले आहे तसेच सोबतच खंडणीसाठी वगैरे कुणाचाही कॉल आला नसल्याचे म्हटले आहे . १७ तारखेला देखील मुलाच्या वडिलांनी भावनिक आवाहन करत ‘ तुम्हाला हवं ते देतो फक्त माझा बाळ मला द्या ‘ असे म्हटले होते . आमच्या कठीण काळात आमच्यासाठी प्रार्थना करण्याचे देखील आवाहन त्यांनी केले आहे. पोलिसही कसून तपास करत असून स्वर्णवचा शोध लावणे हे पोलिसांपुढे मोठे आव्हान बनून राहिलेले आहे .
घटनेला तब्बल आठ दिवस उलटून गेले तरीदेखील अद्याप देखील या मुलाचा शोध लागलेला नाही. अपहृत बालकाचे कुटुंबीय यामुळे प्रचंड चिंतेत असून काही ठिकाणी मात्र या बालकाचा शोध लागलेला आहे, अशी अफवा पसरली आहे मात्र मुलाच्या वडिलांनी एक फेसबुक पोस्ट लिहून , ‘ कृपया आम्ही आमच्या बाळाचा अद्यापही शोध घेत आहोत तरी अफवा पसरवू नये. बाळाचा शोध लागल्यावर यासंदर्भात मी फेसबुक पोस्टवर सांगेन ‘, असे भावनिक आवाहन केलेले आहे.
याआधी देखील मुलाच्या वडिलांनी फेसबुक पोस्टवर एक भावनिक आवाहन करून, ‘ माझ्या मुलाला ताप येत असल्यास हे औषध द्या ‘ असे सांगून औषधाच्या बाटलीचा फोटो पोस्ट केल्याने नेटिझन्स देखील भावनिक झालेले पहायला मिळाले होते. लवकरात लवकर या मुलाचा शोध लावून देण्याचे आव्हान पुणे पोलिसांपुढे असून मुलगा सापडल्यानंतरच अपहरणकर्त्यांचा काय हेतू होता ? हे उघडकीस येणार आहे . मुलाबद्दल कुठलीही माहिती असल्यास नागरिकांनी सूर्यकांत भांडेपाटील 9822223683 , 7448049927 , 7875200017 यांना संपर्क करण्याचे आवाहन केले आहे .
पुण्यासारख्या शहरात हा प्रकार उघडकीस आल्यानंतर कायदा आणि सुव्यवस्था याचा प्रश्न पुन्हा एकदा ऐरणीवर आला आहे. सीसीटीव्ही फुटेजमध्ये केवळ एक व्यक्ती या मुलाला काळ्या रंगाच्या ॲक्टिवा दुचाकीवर घेऊन जात असल्याचे दिसत आहे. त्याच्याच आधारावर तपास सुरू असून अद्याप तरी गुन्हेगारांना पकडण्यात आणि मुलाची सुखरूप सुटका करण्यात यश आलेले नाही त्यामुळे पुणे पोलिसांपुढे सदर प्रकरणाचा तपास लावण्याचे मोठे आव्हान समोर आलेले आहे.
सतीश चव्हाण यांचा मुलगा स्वर्णव चव्हाण याचं वय 4 वर्षं असून उंची 3 फुट आहे. बांधा सडपातळ असून केस काळ्या आणि सोनेरी रंगाचे आहेत. अपहरण झालं त्यावेळी त्यानं निळ्या रंगाचा टीशर्ट आणि जीन्स पॅन्ट घातलेली होती. तो मराठी आणि हिंदी भाषा बोलतो. नागरिकांना अपहरणकर्ता किंवा स्वर्णव चव्हाण यासंदर्भात काही माहिती मिळाल्यास ती पोलीस किंवा चव्हाण कुटुंबीयांकडे द्यावी, असं आवाहन करण्यात आलं आहे.