धक्कादायक .. ‘ ह्या ‘ कारणावरून भर बाजारात विवाहित महिलेस निर्वस्त्र करून मारहाण

शेअर करा

सातत्याने विविध वाहिन्यांमार्फत तसेच चित्रपटामधून देखील अंधश्रद्धेला घातले जात असलेले खतपाणी कमी होत नसल्याने लोकांमध्ये अंधश्रद्धा कमी होण्याचे नाव घेत नाहीये .अशातच राजस्थान इथे एका महिलेला चक्क बाजारात निर्वस्त्र करून मारहाण करण्याची घटना समोर आलेली आहे. राजस्थानमधील चूरू येथे आठ वर्षांपूर्वी लग्न झालेल्या महिलेला तिच्या सासरच्यांनी डायन म्हणत अमानुष मारहाण केली.गावातील भर बाजारात तिला निर्वस्त्र करूनही मारहाण करण्यात आली आहे. पीडित महिलेने आता न्यायासाठी महिला सुरक्षा आणि सल्ला केंद्रात धाव घेतली आहे. डायन असल्याचं सांगत चारित्र्यावर टीका केल्याचा आरोप महिलेने केला आहे.

महिलेने दिलेल्या फिर्यादीनुसार, चूरू जिल्ह्यातील 25 वर्षीय महिलेचा आरोप आहे की तिच्या सासरच्या लोकांनी तिला डायन, बदमाश म्हणत मारहाण केली. हा त्रास लग्न झाल्यापासूनच सुरु होता. तिचं अन्न-पाणी बंद केलं. जर तिच्या मदतीसाठी कोणी पुढे आलं, तर सासरचे आणि गावातील लोक त्याला धमकी देतात. मदत करणाऱ्यांना बदनाम करण्याची धमकी दिली जाते. अखेर महिलेने मदतीसाठी महिला सुरक्षा आणि सल्ला केंद्रात धाव घेतली आहे.

महिला सुरक्षा आणि सल्ला केंद्राचे समुपदेशक यांनी सांगितलं की, जवळपास आठ वर्षांपूर्वी या महिलेचं लग्न झालं आहे. पाच महिन्यांपूर्वी ही महिला आपल्या मुलीसह माहेरी आली होती. परंतु नंतर सासरी गेल्यावर सासरच्या लोकांनी तिला ती डायन आहे असं म्हणत मारहाण करायला देखील सुरुवात केली आणि घरातून बाहेर काढलं. सासरच्या लोकांच्या उच्चतेमुळे त्यांच्यावर कोणतीही कारवाई केली जात नसल्याचा आरोपही महिलेने केला आहे.

एकदा पोलिसांनी, त्यांच्या उपस्थितीत महिलेला घरात घ्यायला सांगितलं. परंतु घराच्या ज्या कोपऱ्यात ती राहत होती, तिथे कोणतीही सुविधा नव्हती. सासरचे लोक त्यांच्या मनाप्रमाणे, गावकऱ्यांना भडकवून, महिला राहत असलेल्या ठिकाणी दगडफेक करत असल्याचं, पीडितेने सांगितलं. आता महिला सुरक्षा आणि सल्ला केंद्र या प्रकरणी अधिक तपास करत आहे.


शेअर करा