आरक्षण डावलून होणाऱ्या जिल्हा बँकेच्या भरतीला वंचितचा विरोध , राधाकृष्ण विखे पाटील यांना दिले निवेदन

शेअर करा

अहिल्यानगर जिल्हा सहकारी बँकेच्या भरती प्रक्रियेमध्ये आरक्षणाची तरतूद वगळण्यात आल्याप्रकरणी जिल्ह्याचे पालकमंत्री माननीय नामदार राधाकृष्ण विखे पाटील यांची उत्कर्षाताई रुपवते यांनी वंचित बहुजन आघाडीच्या पदाधिकारी आणि कार्यकर्त्यांसोबत अहिल्यानगर इथे भेट घेतली. वंचित – शोषित घटकांवर अन्याय होऊ नये अशी मागणी राधाकृष्ण विखे पाटील यांच्याकडे करण्यात आलेली आहे. 

राधाकृष्ण विखे पाटील यांना या संदर्भात एक निवेदन देण्यात आलेले असून, ‘ संचालक मंडळाचा कुठल्याही रास्त प्रक्रियेशिवाय आरक्षणाची तरतूद रद्द करणाऱ्या निर्णयाचा निषेध नोंदवत संविधानिक मार्गाने जो पर्यंत भरतीची प्रक्रिया राबवली जात नाही, तो पर्यंत भरती थांबविण्याची मागणी पालकमंत्री मा. राधाकृष्ण विखे पाटील यांच्याकडे निवेदनाद्वारे करण्यात आली आहे.

वंचित बहुजन आघाडीचे दक्षिण जिल्हाध्यक्ष मा. योगेश साठे, शहराध्यक्ष मा. हनीफ भाई शेख, शहर महासचिव मा. अमर निरभवने, शहर उपाध्यक्ष मा. प्रवीण ओरे, जिल्हा महासचिव मा. अनिल जाधव, जिल्हा सल्लागार जे.डी. शिरसाठ, भिंगार शहराध्यक्ष मा. राजीव भिंगारदिवे, नगर तालुकाध्यक्ष मा. मारुती पाटोळे, नेवासा तालुकाध्यक्ष मा. पोपट सरोदे, राहुरी तालुकाध्यक्ष मा. संतोष चोळके आदी यावेळी उपस्थित होते. 


शेअर करा