पुण्यातील स्वारगेट एसटी बसआगार बलात्कार प्रकरणामुळे अवघ्या महाराष्ट् हादरून गेला असून या प्रकरणात तब्बल ७२ तासांनी अटक केलेल्या गाडेने पोलिसांची अनेक वेळा दिशाभूल करण्याचा प्रयत्न केला तर त्यानंतर त्याच्या वकिलांनी सुद्धा एका वक्तव्याबाबत सारवासारव केल्याचा प्रकार समोर आला आहे. तरुणीवर अत्याचार झाले मात्र तिच्याबद्दल चुकीची माहिती वकिलानेच प्रसारमाध्यमांना दिल्याची माहिती आता समोर आली आहे मात्र जेव्हा या वकिलाला विचारलं चुकीची माहिती का दिली ? तर त्यांनी पळ काढला.
पुण्यातील स्वारगेट एसटी स्टँडमध्ये उभ्या असलेल्या शिवशाही बसमध्ये एका महिलेवर लैंगिक अत्याचार केल्याप्रकरणी आरोपी दत्ता गाडे याला पुणे सत्र न्यायालयाने १४ दिवसांची न्यायालयीन कोठडी सुनावली . गाडे याचे वकील सुमित पोटे यांनी याप्रकरणातील पीडित तरुणीला आरोपीने ७५०० रुपये दिले अशी माहिती न्यायालयात दिली नव्हती अशी कबुली आज दिली मात्र सुमित पोटे यांनी यापूर्वी आरोपीने पीडित तरुणीला पैसे दिले होते अशी माहिती दिली होती.
आरोपी गाडे याने ही माहिती आम्हाला दिली होती आणि त्यावरूनच आम्ही माध्यमांशी बोललो अशी सारवासारव गाडे याचे वकील पोटे यांनी केली असून एक वकील म्हणून असं बेजबाबदार वक्तव्य करणं संयुक्तिक आहे का ? असा प्रश्न माध्यमांनी त्यांना आज विचारला असता त्यांनी मात्र उत्तर देणे टाळून तिथून काढता पाय घेतला . महिला अत्याचारासारख्या गंभीर प्रकरणात माध्यमांना हाताशी धरून खोटी माहिती देणाऱ्या वकिलांवर आता वकिलांवर आता पोलीस काय कारवाई करणार याकडे महाराष्ट्राचे लक्ष लागून राहिलेले आहे.
