अहिल्यानगरच्या मध्यवर्ती कापड बाजार, एमजी रोड परिसरामध्ये अतिक्रमणांच्या विषयांवरून गेल्या अनेक दिवसांपासून तणावपूर्ण वातावरण आहे त्यातच एका व्यापाऱ्याच्या मुलीवर अज्जू खान नामक इसमाने हल्ला केला होता त्यावरून राष्ट्रवादीचे आ. संग्राम जगताप यांनी आक्रमक भूमिका घेत आपण व्यापाऱ्यांच्या पाठीशी असल्याचे म्हटले होते.
शिवसेना ठाकरे पक्षाचे शहरप्रमुख किरण काळे यांनी जगताप यांना भवानीनगरचा मौलवी असे नाव न घेता संबोधत करत खान हा आमदारांच्याच राष्ट्रवादीचा कार्यकर्ता असल्याचे म्हणत त्यांचे एकत्र फोटो समाज माध्यम, प्रसार माध्यमांवर व्हायरल केले होते.
शहरप्रमुख किरण काळे यांनी आता अज्जू खान याचा एक व्हिडिओ सोशल मीडियावर व्हायरल केला आहे त्यात त्यांनी ,’ बेगडी हिंदुत्ववादी आमदाराची पोलखोल करणारा हा धक्कादायक व्हिडिओ समोर आला आहे. दूध का दूध, पाणी का पाणी समोर आहे. अहिल्यानगर मधील तमाम हिंदूंनी झुल पांघरलेल्या लांडग्यापासून सावध राहावे. आपल्या हिंदू आया बहिणींवर हल्ला करून मारहाण करणारा हा नराधम तथाकथित स्वयंघोषित धर्मरक्षक आमदाराचाच सोडलेला पाळीव पंटर आहे. गंगाधर ही शक्तिमान है ‘ असे म्हणत अज्जू खान याचा एक व्हिडिओ शेअर केलेला आहे .
