सोशल मीडियाच्या माध्यमातून ते दोघे संपर्कात आले होते. त्यानंतर एका तरुणीचा फेसबुकवर एका तरुणावर जीव जडला आणि त्यानंतर प्रेमात त्यांनी लग्नगाठही बांधली. पतीने लग्नाच्या वेळेस सप्तपदी घेताना कायम साथ देण्याची शपथ घेतली. काही दिवसातच पती लग्नाच्या दिवशी घेतलेली शपथ विसरला. त्यानंतर पती आपली पत्नी आणि मुलाला एकट सोडून निघून गेला. आता पत्नीने आपल्या पतीला शोधण्यासाठी सरकारकडे मदतीची मागणी केली आहे. छत्तीसगड येथील रामगढ जिल्ह्यातील बातमी असून पोलीस सध्या त्या बेवफा पतीचा शोध घेत आहेत.
उपलब्ध माहितीनुसार, किरण बेदिया नावाच्या तरुणीचे अजय बेदिया या तरुणासोबत फेसबुकवर ओळख झाली व त्याचं प्रेमात रुपांतर झालं. यानंतर त्या दोघांनी प्रेमविवाह केला आणि दोघांनी कायम एकत्र राहण्याचं वचन दिलं. लग्नाच्या काही वर्षात तरुणाने विवाहबाह्य संबंध बनवले व कोणाला काहीही न सांगता 3 वर्षांचा मुलगा व पत्नी सोडून निघून गेला. आता तरुणी स्वत:साठी व तिच्या मुलासाठी न्याय मागण्यासाठी भटकत आहे. फेसबुकवर त्याचे आकर्षक फोटो पाहून त्याची तिला भुरळ पडली आणि ती त्याच्या प्रेमात पडली मात्र तिच्या नशिबी आला तो धोका.
तरुणीने आरोप केला आहे की तक्रार केल्यानंतर या प्रकरणाची सुनावणी होत नाही. पोलीस प्रशासनही केवळ आश्वासन देत आहे. पीडिता किरण बेदियाने सांगितलं की, फेसबुकवर चर्चेदरम्यान तिचं अजय सोबत प्रेम जुळलं. 2013 मध्ये त्यांनी लग्न केलं. त्यानंतर पती हुंड्यासाठी पत्नीला मारहाण करत होता. 2017 मध्ये जेव्हा मूल झालं त्यानंतर त्यांच्या नात्यातील दुरावा वाढवत गेला आणि पतीचे बाहेर एका ठिकाणी विवाहबाह्य संबंध जुळले.
किरण बेदियाने सांगितलं की, आता माझ्या पतीने दुसऱ्या मुलीसोबत लग्न केलं व तो तिच्यासोबत राहत आहे. मी न्यायासाठी भटकत आहे. मात्र कोणीच मात्र ऐकून घेत नाही. किरण बेदिया यांचा भाऊही न्यायासाठी पोलीस ठाण्याच्या चकरा मारत आहे. यावर पीडितेच्या भावाचं म्हणणं आहे की, आम्ही दररोज पोलीस ठाण्याच्या चकरा मारत आहे. माझ्या बहिणीला न्याय मिळावा, माझी इतकीच मागणी आहे.