‘ पंतप्रधान मोदींना माफी नाही ‘, द लँसेंटच्या वृत्तमालिकेकडून मोदींची ‘ अशी ‘ पोलखोल

  • by

करोना महासाथीच्या संकटामुळे जगभरातील अनेक देश चिंतेत आहेत. मात्र, भारतात वाढत असलेल्या करोना संसर्गाच्या प्रादुर्भावावर जगभरातून चिंता व्यक्त होत आहे. आंतरराष्ट्रीय माध्यमांमध्ये भारतातील करोना संकटावर वृत्तमालिका प्रसिद्ध होत आहेत. अशातच आंतरराष्ट्रीय वैद्यकीय नियतकालिक ‘द लँसेंट’नेही आपल्या संपादकीयतात भारताचे पंतप्रधान नरेंद्र मोदींवर टीका केली आहे. करोना महासाथीच्या काळात पंतप्रधान मोदींनी केलेले काम क्षमा करण्यासारखे नसून त्यांनी या संकटाची जबाबदारी घेतली पाहिजे असेही ‘द लँसेट’ने म्हटले आहे.

भारतातील करोना महासाथीच्या पहिल्या लाटेवर यशस्वीपणे नियंत्रण मिळवले. मात्र, दुसऱ्या लाटेचा सामना करण्यास झालेल्या चुकांची जबाबदारी पंतप्रधान मोदी यांनी घ्यायला हवी असे, ‘द लँसेंट’ने म्हटले. ‘द इन्स्टिट्यूट फॉर हेल्थ मेट्रिक्स अॅण्ड इवॅल्यूश’ने भारतात करोना महासाथीच्या आजारामुळे ऑगस्ट महिन्यापर्यंत भारतात १० लााख नागरिकांचा करोनाच्या संसर्गाने मृत्यू होणार असल्याची भीती व्यक्त करण्यात आली होती.

‘द लँसेट’ने आपल्या संपादकीयात म्हटले की, मोदी सरकार करोना महासाथीच्या आजाराला नियंत्रित करण्याऐवजी ट्विटरवर होणाऱ्या ट्विटरवर होणाऱ्या टीकेला आणि वादाला रोखण्यासाठी प्रयत्न करत आहेत. ‘द लँसेट’ने सरकारच्या लशीकरण मोहिमेवरही टीका केली आहे. सरकारने आपल्या राज्य सरकारसोबत चर्चा न करता धोरणांमध्ये अचानक बदल केले आणि दोन टक्क्यांहून कमी लोकसंख्येचे लसीकरण करण्यास यश मिळवले. ‘द लँसेट’ आधी ‘नेचर’ या वैद्यकीय संशोधन नियतकालिकेतही भारत, ब्राझीलच्या सरकारवर टीका करण्यात आली होती. भारत आणि ब्राझीलमधील राजकीय नेतृत्व अपशी झाले अथवा त्यांनी शास्त्रज्ञांनी दिलेल्या सल्ल्याकडे दुर्लक्ष केले असावे, असे म्हणत दोन्ही देशांच्या राजकीय नेतृत्वावर प्रश्न उपस्थित केले होते.

या संपादकीयामध्ये भारताच्या आरोग्य व्यवस्थेवरही प्रश्न उभे करण्यात आले. रुग्णालयात रुग्णांना ऑक्सिजन मिळत नाही त्यामुळे त्यांना प्राण गमवावे लागत आहे. आरोग्य कर्मचारीही अतिकामामुळे थकले असून त्यांनाही करोनाची लागण होत आहे. सोशल मीडियावर लोकांकडून ऑक्सिजन, बेड, व्हेंटिलेटर आणि आवश्यक औषधांची मागणी करत असल्याचे ‘द लँसेट’ने म्हटले. आरोग्य मंत्री डॉ. हर्षवर्धन मार्च महिन्यात करोना महासाथीचा आजार संपुष्टात येणार असल्याची घोषणा केली होती. मात्र, करोनाच्या दुसऱ्या लाटेचे वारंवार इशारे मिळूनही भारत सरकार सतर्क झाले नसल्याचे ‘द लँसेट’ने म्हटले.

सरकारने मागील वर्षी करोना संसर्गाच्या सुरुवातीच्या टप्प्यात नियंत्रण करण्यास यश मिळवले होते. मात्र, संसर्गाच्या दुसऱ्या लाटेत मोठ्या चुका केल्या आहेत. महासाथीच्या वाढत्या संसर्गाच्या पार्श्वभूमीवर सरकारने पुन्हा एकदा जबाबदारीने आणि पारदर्शपणे काम करण्याची आवश्यकता आहे. संपादकीयामध्ये केंद्र सरकारने दुहेरी रणनीतिवर काम करण्याची सूचना केली आहे. भारताने लसीकरण मोहीम अधिक चांगल्या प्रकारे लागू करण्याची आवश्यकता असून वेगाने त्यावर काम करण्याची आवश्यकता आहे. तर, दुसरी सूचना म्हणजे सरकारने लोकांना खरी माहिती, आकडेवारी दिली पाहिजे, असे ‘द लँसेट’ने म्हटले.