मोदींचे भाऊ प्रल्हाद मोदी म्हणाले, ‘ नरेंद्र मोदी चहावाले नाहीत तर … ‘

शेअर करा

भारताचे पंतप्रधान नरेंद्र मोदी अनेकदा आपल्या भाषणात आपण चहावाला असल्याचा उल्लेख करतात. पण मोदींचे सख्खे भाऊ प्रल्हाद मोदी यांनी मात्र नरेंद्र मोदी चहावाला नव्हते तर आमचे वडील चहावाले होते, तुम्ही म्हणायचं असेल तर त्यांना चहावाला म्हणा आणि आम्हाला चहावाल्याचे बेटे म्हणा, असं म्हटलं आहे .

प्रल्हाद मोदी हे उल्हासनगर ट्रेड असोसिएशनने आयोजित केलेल्या एका कार्यक्रमासाठी उल्हासनगरला आले होते. यावेळी देशाचे पंतप्रधान नरेंद्र मोदी यांना ‘चायवाला’ म्हणण्यापेक्षा ‘चायवाले का बेटा’ म्हणा असं प्रल्हाद मोदी म्हणाले. आम्ही सर्व भावंड मिळून चहा विकायचो. ज्यादिवशी ज्याचा नंबर लागेल, त्याच्यावर चहा विकायची जबाबदारी यायची. पण चहावाला आम्ही नव्हतो, तर आमचे वडील होते. त्यामुळे आम्ही सर्व ‘चायवाले के बेटे’ आहोत, असं ते म्हणाले.

आमच्या वडिलांनी चहा विकून आम्हा ६ भावंडांना मोठं केलं, पण पत्रकार नरेंद्र मोदींना ‘चहावाला’ म्हणतात, ही त्यांची चूक असून म्हणायचं असेल तर त्यांना ‘चहावल्याचा मुलगा’ म्हणा, असं प्रल्हाद मोदी म्हणाले. त्यामुळे प्रल्हाद मोदींनी चिमटा नेमका पत्रकारांना घेतला, की स्वतःला ‘चहावाला’ म्हणवून घेणाऱ्या नरेंद्र मोदींनाच घेतला? अशी कुजबुज सभागृहात रंगली होती.

पंतप्रधान नरेंद्र मोदी यांना ‘चायवाला’ म्हणण्यापेक्षा ‘चायवाले का बेटा’ म्हणा, असं म्हणत खुद्द नरेंद्र मोदींचे भाऊ प्रल्हाद मोदी यांनी पत्रकारांना चिमटे काढले. चहा आम्ही सर्व भावंडांनी विकला, पण ज्याचा मुकुट मोठा, पत्रकार त्यालाच चालवतात, असेही प्रल्हाद मोदी पुढे म्हणाले.


शेअर करा