गौतम अडानीचा घोटाळा सोप्या शब्दात समजून घ्या , व्हायरल होतेय पोस्ट

हिंडेनबर्ग अहवाल आल्यानंतर गौतम अडाणी यांच्या नऊ कंपन्यांचे शेअर धडाधड कोसळले आणि त्यानंतर त्यांच्या संपत्तीत देखील मोठ्या प्रमाणात घट झाली आणि जागतिक श्रीमंतांच्या यादीत त्यांची सात वर घसरण झाली. अद्यापही अनेक भारतीय व्यक्तींना शेअर बाजार आणि बँकिंग पद्धती कशा पद्धतीने काम करते याची फारसी माहिती नसल्याने अडाणी यांचा नेमका कथित घोटाळा काय हे लक्षात येत नाही या पार्श्वभूमीवर सोशल मीडियावर सोप्या भाषेत गौतम अडाणी यांच्या कथित घोटाळ्याची माहिती प्रसिद्ध करण्यात आलेली आहे.

काय आहे व्हायरल पोस्ट ?

समजा तुम्ही दुकान घेतले, दुकानाची किंमत 20 लाख आहे पण तुम्ही बँकेला दाखवले की माझ्या दुकानाची किंमत 20 कोटी आहे, तिथे रोजचे एक कोटी उत्पन्न मिळते आणि त्यावर बँकेने तुम्हाला 10 कोटींचे कर्ज दिले नंतर तुम्ही पैसे दिले नाहीत. बँकेने दुकान विकले असते तरी 20 लाखच मिळाले असते, मात्र तुम्हाला 9.80 कोटी मिळाले. बँक कोर्टात जाईल, अदानी म्हणेल की ही बँकेची चूक होती, त्यांनी चौकशी करायला हवी होती, तपास 30-40 वर्षे चालेल, मग अदानी 100 वर्षांचा होईल. बँक कोसळल्यावर तुमची आयुष्यभराची कमाई जाईल. बँक जनतेच्या ठेवीचे पैसे देते, घरून देत नाही. तुम्ही आयुष्यभर कमावले आहे, फक्त तुमच्या पैशासाठी तुम्हाला त्रास सहन करावा लागेल.

अशाच घोटाळ्यामुळे मोदी सरकारमध्येच अनेक बँका बुडाल्या आहेत. अदानीला अनेक बँकांनी २ लाख कोटींचे कर्जही दिले आहे. ज्यामध्ये एसबीआय , बँक ऑफ बडोदा हे प्रमुख आहेत. तुम्ही फक्त पाकिस्तानातील पिठाच्या किमती पाहत राहा. आजपर्यंतच्या ६५ वर्षांच्या इतिहासात एलआयसीने एक रुपयाही गमावला नव्हता. पण आज पहिल्यांदाच एलआयसी मध्ये 24 तासात 18 हजार कोटींचा तोटा झाला आहे, कारण एलआयसीने महापुरुषाच्या आदेशानुसार अदानी कंपनीत 74 हजार कोटींची गुंतवणूक केली होती…