संतोष देशमुख हत्या प्रकरण समोर आल्यानंतर आणखीन एक धक्कादायक अशी घटना बीड शहरातून समोर आलेली आहे. बीड शहरातील स्वराज्यनगर भागात विनाअनुदानित शाळेतील एका शिक्षकाने टोकाचे पाऊल उचलत आत्महत्या केलेली आहे. शाळेच्या संचालकांवर त्यांनी गंभीर आरोप केलेले असून त्यांनी केलेल्या सोशल मीडिया पोस्ट सध्या चर्चेत आहेत.
उपलब्ध माहितीनुसार , धनंजय अभिमान नागरगोजे ( राहणार केळगाव तालुका केज ) असे आत्महत्या करणाऱ्या शिक्षकाचे नाव असून त्यांनी मुलीला उद्देशून लिहिलेली पोस्ट सध्या चर्चेत आहे. धनंजय नागरगोजे हे अठरा वर्षापासून विनाअनुदानित आश्रमशाळेत शिक्षक म्हणून काम करत होते. शाळेच्या संचालकांवर त्यांनी गंभीर आरोप करत इतर काही जणांची देखील नावे नमूद केलेली आहेत. त्यांच्या छळाला कंटाळूनच आपण टोकाचे पाऊल उचलत आहोत असे त्यांनी म्हटलेले आहे.
काय आहे धनंजय नागरगोजे यांची फेसबुक पोस्ट ?
श्रावणी बाळा तुझ्या बापूला शक्य झालंच तर माफकर, मी माफी मागायच्या पण लायकीचा नाही. बाळा तुझ्या बाबतीत मी खूप स्वप्न पहितली होती पण त्या स्वणाना स्वप्नातच ग्रहण लागले काय करू माझ्या मनात कधी स्वार्थ आलाच नाही .कधी मी कुणाला दोन रू ला फसवल नाही किंवा कुणाचं कर्ज पण घेतल नाही .
श्रावणी बाळा शक्य झालंच तर कर एकदा तुझ्या बापूला माफ कारण तुला मी एकट्याला सोडून जात आहे .तुला आजुन काही कळत नाही तुझ वय आहेच किती, तीन वर्षे तुला काय कळणार ज्यांना कळायला पाहिजे त्यांना बापू कधी कळला नाही.बाळा बापूंनी कधीच कुणाचं नुकसान केलं नाही सर्वांसोबत चांगला लवागला पण या नालायक राक्षस लोकांनी माझा अंधारातून खूप छळ लावला आहे. विक्रम बाबुराव मुंडे,विजय विक्रम मुंडे ,अतूल विक्रम मुंडे आणि त्यांचे कार्य करते उमेश रमेश मुंडे, गोविंद नवनाथ आव्हाड , ज्ञानेश्र्वर रजेभाऊ मुरकुटे या सर्वांनी माझा खूप छळ लावला आहे .मला हे हाल हाल करून मरणार आहेत
मला मारण्याचं करणं म्हणजे मी फक्त विचारलं होत की ,मी तुमच्या शाळेवर गेली 18 वर्षे झालं काम करतोय अजून मला पगार नाही आता पुढे काय करायचं त्यावर विक्रम बप्पा म्हणले तू फाशी घे म्हणजे तू मोकळा आणि मी पण दुसरा तुझ्या जागेवर कर्मचारी भरायला मोकळा हे एकूण माझ्या पाया खालची जमीनच सरकली आणि तीतून पुढे या लोकांनी मला त्रास देण्यास सूर्वात केली . श्रावणी बाळा हे सर्व राक्षस आहेत या राक्षसा मुळेच मी तुझ्या पासून दूर जात आहे. तुला एकदा पाहण्याची माझी खूप इच्छा होती पण मी एक दळभद्री बाप तुझ्या वाट्याला आलो. काय करू माझ्यापाशी कोणता पर्याय या लोकणी ठेवला नाही . बाळा डोळ्यातलं पाणी थांबत नाही. पण त्याग केल्याशिवाय पर्याय नाही
श्रावणी मला माफ कर माफी मागण्याच्या पण लयकीचो नाही मी तरी पण शक्य झालं जेव्हा तुला कळेल तेंव्हा माफ कर आता मी थांबतो खूप त्रास होतोय मला विक्रम बाबुराव मुंडे, विजयकांत विक्रम मुंडे, अतूल विक्रम मुंडे , उमेश रमेश मुंडे ज्ञानेश्वर राजेभाउ मुरकुटे , गोविंद (अमोल) नवनाथ आव्हाड हे सर्व मझ्या माझ्या आत्महत्येला कारणीभूत आहेत .कारण यांनी मला खूप त्रास दिला आहे यांच्या मुळेच मी माझे जीवन संपवित आहे आत्ता पर्यंत मी कुणाच्या भावना दुखावल्या असतील तर मोठ्या मनानी माफ करावे. सर्वांना माझा शेवटचा राम राम.
