छत्रपती शिवाजी महाराज यांच्याबद्दल वादग्रस्त वक्तव्य करणारा प्रशांत कोरटकर याचा जामीन अर्ज अंतरीम जामीन अर्ज कोल्हापूर जिल्हा सत्र न्यायालयाने फेटाळलेला असून कुठल्याही क्षणी आता प्रशांत कोरटकर याला अटक होऊ शकते. 18 मार्च रोजी न्यायालयाने हा निर्णय दिलेला आहे .
प्रशांत कोरटकर याच्या विषयी माहिती काढण्यासाठी कोल्हापूर पोलीस कोतवाली, महाल, सदर या भागात छापे घातले होते . ‘स्मार्ट पोलिसिंग’साठी ओळखल्या जाणाऱ्या गुन्हे शाखेला सुद्धा अद्याप प्रशांत कोरडकर बाबत कोणताही सुगावा लागलेला नाही मात्र कोरटकर याला अटक न करण्यासाठी पोलिसांवर देखील दबाव असल्याची चर्चा आता नागरिकांमध्ये सुरू आहे.
इतिहासकार इंद्रजीत सावंत यांना अश्लील शिवीगाळ करीत छत्रपती शिवाजी महाराज आणि छत्रपती संभाजी महाराज यांच्याविषयी आक्षेपार्ह वक्तव्य करणाऱ्या तथाकथित पत्रकार प्रशांत कोरटकरवर अटक करा, अन्यथा या प्रकरणाच्या विरोधात शिवभक्तांच्यावतीने राज्यभर आंदोलन करण्यात येईल, असा खणखणीत इशारा श्रीमंत डॉ. राजे मुधोजी भोंसले यांनी दिला असून कोरटकर हा फडणवीस यांच्या जवळचा व्यक्ती असल्याची चर्चा आहे.
