मसाज पार्लरच्या नावाखाली चक्क वेश्याव्यवसाय सुरू असल्याचा धक्कादायक प्रकार पुण्यात समोर आलेला असून गुन्हे शाखेने छापा टाकत या मसाज पार्लरवर कारवाई केलेली आहे. तब्बल पाच तरुणींना ताब्यात घेण्यात आलेले असून वेश्याव्यवसायास प्रवुृत्त केल्याप्रकरणी पोलिसांनी मसाज पार्लरच्या व्यवस्थापकाला अटक केली. नगर रस्त्यावरील चंदननगर भागात ही कारवाई करण्यात आली.
उपलब्ध माहितीनुसार ,’ राहुल सुनील सिंह (वय २४, रा. समर्थ काॅम्प्लेक्स, मांजरी) असे अटक करण्यात आलेल्याचे नाव आहे तर सैबू शेख उर्फ सैबू मुबारक अली (रा. श्रीराम सोसायटी, चंदननगर) याच्याविरुद्ध गुन्हा दाखल करण्यात आला आहे.
पोलिसांनी दिलेल्या माहितीनुसार, नगर रस्त्यावरील चंदननगर भागात एका इमारतीत मसाज पार्लरच्या नावाखाली वेश्याव्यवसाय सुरू असल्याची माहिती गुन्हे शाखेच्या युनिट पाचच्या पथकाला गुरुवारी (३ एप्रिल) मिळाली. त्यानंतर पोलिसांच्या पथकाने तिथे छापा टाकला. पोलिसांनी मसाज पार्लरमधून पाच तरुणींना ताब्यात घेतले. आरोपी राहुल आणि सैबू यांनी तरुणींना पैशांचे आमिष दाखवून वेश्याव्यवसायास प्रवृत्त केल्याची माहिती मिळाली. पोलिसांनी राहुलला अटक केली आहे. चंदननगर पोलीस ठाण्याच्या वरिष्ठ पोलीस निरीक्षक सीमा ढाकणे तपास करत आहेत.
