काश्मीरमधील दहशतवादी हल्ल्यानंतर संपूर्ण देशभरात पाकिस्तानच्या विरोधात संतापाची लाट उसळलेली असून नगर शहरातील राष्ट्रवादी काँग्रेस अजित पवार गटाच्या वतीने छत्रपती शिवाजी महाराजांच्या पुतळ्यासमोर अतिरेक्यांच्या पुतळ्याला जोडे मारो आंदोलन करण्यात आले सोबतच पाकिस्तान मुर्दाबादच्या देखील घोषणा यावेळी देण्यात आल्या.
संग्राम जगताप यांनी यासंदर्भात फेसबुकवर पोस्ट शेअर केलेली असून त्यात त्यांनी ,’ काश्मीरमधील अतिरेकी हल्ल्याचा निषेध. अहिल्यानगर येथे राष्ट्रवादी काँग्रेस पक्षाच्या वतीने काश्मीर येथील पहलगाममध्ये हिंदू पर्यटकांवर झालेल्या अतिरेकी हल्ल्याचा तीव्र शब्दांत निषेध करण्यात आला. हल्लेखोरांना कठोर शिक्षा मिळावी आणि अशा घटनांना आळा बसावा, ही सर्वांची एकमुखी मागणी आहे. राष्ट्रवादी काँग्रेस नेहमीच देशहितासाठी ठाम भूमिका घेत राहील ,’ असे म्हटलेले आहे.
जुन्या बसस्थानक चौकातील छत्रपती शिवाजी महाराजांच्या मूर्तीसमोर, अतिरेक्यांच्या प्रतिकात्मक पोस्टरला जोडे मारून त्याचे दहन करण्यात आले. या वेळी “मुर्दाबाद मुर्दाबाद पाकिस्तान मुर्दाबाद, बदला घ्या बदला घ्या हिंदूंवरील हल्ल्याचा बदला घ्या” अशा जोरदार घोषणांनी परिसर दणाणून गेला.
सदर आंदोलनात प्रा. माणिक विधाते, माजी नगरसेवक विपुल शेटिया, अजिंक्य बोरकर, प्रकाश भागानगरे, सुरेश बनसोडे, वैभव ढाकणे, गुड्डू खताळ, अजय दिघे, युवराज शिंदे, संजय मोरे, सागर गुंजाळ, संपत बेरड, मयूर कुलथे, ऋषिकेश ताठे, अमित खामकर, दीपक निपाणी, बाली बांगरे, सचिन पवार, साधना बोरुडे, अरविंद शिंदे, अभिजीत खोसे, संजय सपकाळ इ. कार्यकर्ते व पदाधिकारी सहभागी झाले होते.
