दूध विक्री रात्री उशिरापर्यंत सुरू ठेवल्यामुळे दाखल झालेला खटला न्यायालयात न पाठविण्यासाठी आणि दंड न भरण्यासाठी एक हजार रूपयांची लाच घेताना महिला पाेलीस शिपाईला लाचलुचपत प्रतिबंधक विभागाने (एसीबी) सापळा लावून पकडले. विशेष म्हणजे लाचेची रक्कम घेऊन पळून जात असताना ही कारवाई 5 एप्रिल रोजी पिंपरी येथील न्यायालयासमोर भर रस्त्यावर करण्यात आली.
उपलब्ध माहितीनुसार , रेश्मा बाळू नाईकरे (वय ३२) असे लाच स्वीकारणा-या महिला पोलीस शिपाईचे नाव आहे. नाईकरे या भाेसरी पाेलीस ठाण्यात कार्यरत असून याप्रकरणी ३५ वर्षीय व्यक्तीने लाचलुचपत विभागाकडे तक्रार केली हाेती.
तक्रारदार व्यक्ती यांची दुध डेअरी रात्री उशिरापर्यंत सुरू हाेती यामुळे तक्रारदार यांच्यावर भाेसरी पाेलीस ठाण्यात खटला दाखल झाला आहे. तो खटला न्यायालयात न पाठवता आणि कोणताही दंड न भरण्यासाठी पाेलीस शिपाई नाईकरे यांनी तक्रारदार यांच्याकडे दाेन हजार रूपयांची मागणी केली हाेती मात्र डेअरी चालकाने ४ एप्रिलला लाचलुचपत प्रतिबंधक विभागाकडे तक्रार केली आणि त्यानंतर पुढील कारवाई करण्यात आली. शासकीय काम करून देण्यासाठी लाचेची मागणी केल्यास तात्काळ १०६४ या नंबरवर संपर्क साधावा, असे आवाहन लाचलुचपत प्रतिबंधक विभागाने केले आहे.
