महाराष्ट्रात एक धक्कादायक अशी घटना लातूरमध्ये समोर आलेली असून लातूर महापालिकेचे आयुक्त यांनी स्वतःच्या गोळ्यात डोक्यात गोळी झाडून घेतलेली आहे. त्यांची प्रकृती सध्या चिंताजनक असून त्यांनी इतके टोकाचे पाऊल का उचलले हे अद्यापपर्यंत समोर आलेले नाही.
लातूर महानगरपालिकेचे आयुक्त बाबासाहेब मनोहरे यांनी शनिवारी रात्री स्वत:वर गोळी झाडून आत्महत्येचा प्रयत्न केला. बाबासाहेब मनोहरे (Babasaheb Manohare) यांनी शासकीय बंगल्यावर रात्री 11.15 च्या सुमारास रिव्हॉल्व्हरमधून डोक्यात गोळी झाडली यामध्ये बाबासाहेब मनोहरे हे गंभीर जखमी झाले असून लातूरमधील सह्याद्री रुग्णालयात त्यांच्यावर उपचार सुरु आहेत.
बाबासाहेब मनोहरे हे शनिवारी रात्री नेहमीप्रमाणे कुटुंबीयांसोबत जेवले त्यानंतर बाबासाहेब मनोहरे हे खोलीत गेले आणि त्यांनी रिव्हॉल्व्हरमधून स्वत:वर गोळी झाडून घेतली. गोळी झाडल्याचा आवाज ऐकून त्यांचे कुटुंबीय खोलीत गेले त्यावेळी बाबासाहेब जखमी अवस्थेत दिसले. त्यांना तातडीने रुग्णालयात नेण्यात आले होते.
बाबासाहेब मनोहरे हे कठोर शिस्तीचे आणि स्पष्टवक्ते अधिकारी म्हणून प्रसिद्ध होते. यापूर्वी त्यांनी मराठवाड्यातील धाराशिव, नांदेड या जिल्ह्यांमध्ये काम केले होते. ते लातूर महानगरपालिकेत सुरुवातीला अतिरिक्त आयुक्त होते. नंतर त्यांना बढती मिळून ते महानगरपालिका आयुक्त झाले होते. बाबासाहेब मनोहरे यांनी आत्महत्येचा प्रयत्न केल्याची बातमी समजताच पोलीस आणि प्रशासनातील वरिष्ठ अधिकाऱ्यांनी सह्याद्री रुग्णालयाकडे धाव घेतली होती.
